Google ADS

Nuk ka fitues në Podujevë, Llapi dhe Prishtina ndajnë pikët

15:05 | 10 Nëntor 2024
E.G

Llapi dhe Prishtina kanë luajtur baras 1-1 në derbin rajonal në kuadër të xhiros së 13-të në Albi Mall Superligë.

Ka qenë një pjesë e parë shumë dinamike me dy skuadrat që krijuan raste të mira shënimi.

Megjithatë për të parë golin e parë në këtë sfidë u desh të kalonin gjysmë ore lojë.

Ilir Blakcori u gjend bukur në zonë dhe nga afërsia realizoi për 1-0.

Me epërsinë minimale të skuadrës vendase u mbyllen 45 minutat e para të kësaj sfide.

Edhe në pjesën e dytë pati raste të mira nga të dyja skuadrat, por për ta parë golin e dytë u desh të priten minutat shtesë.

Ishte qendërmbrojtësi Ardian Limani që shënoi për 1-1 pas asistimit nga Gallapeni në minutën e 92-të.

Deri në fund nuk pati më gola dhe dy skuadrat morët nga një pikë 1-1.

Llapi vazhdon pa fitore edhe pas gjashtë ndeshjeve dhe ndodhet në vendin e shtatë me 16 pikë, derisa Prishtina është e katërta me 21 sosh.

Ndeshjen e radhës Llapi e zhvillon në udhëtim te Drita, derisa Prishtina pret Ballkanin. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm